A Banda de Música de Xinzo honra a festividade de Santa Icía, patroa da música, cun concerto sinalado no calendario como una das datas máis importantes. O auditorio da parroquia acollerá a cita, unha das últimas da agrupación musical este ano.
A Coral Cantares de Xinzo participa novamente no encontro de corais organizado pola coral Ecos do Folón con motivo das festas de Nadal, unha cita chea de panxoliñas para conmemorar o fin do ano.
O alumnado da Escola de Música de Xinzo pecha o primeiro trimestre do curso cunha audición no centro cultural da parroquia. Con actuacións tantos solistas como grupais, os alumnos e as alumnas da ESMU mostrarán o aprendido durante os primeiros meses do curso musical.
Como ven sendo habitual nestes últimos anos, a Banda de Música de Xinzo e a Coral Cantares únense nunha cita única para despedir o ano 2026. O concerto dividirase en dúas partes, cada unha correspondente a unha das agrupacións, e ofrecerá un programa composto por pezas propias desta festividade.
A Banda de Música de Xinzo celebra a quinta edición do Concerto de Primavera. Esta cita, convertida xa en imprescindible no calendario da agrupación musical, conmemora o inicio da primavera ao tempo que inaugura o período do ano de maior actividade da banda.
A Escola de Música de Xinzo organiza un ano máis o Concurso de Solistas, unha cita na que os alumnos da escola demostran ante compañeiros, público e un xurado formado por músicos titulados o nivel acadado ó longo do curso escolar.
A Escola de Música de Xinzo pecha o curso 2026/2027 coa audición no centro cultural da parroquia. Alumnos en actuacións solistas e grupais, xunto coa Banda Infantil de Xinzo, interpretarán para o público unha mostra do nivel acadado a través de meses de estudo e esforzo.
